اسلام ٹائمز۔ پاکستان پیپلز پارٹی کی نائب صدر سینیٹر شیری رحمان نے بیگم نصرت بھٹو کو خراج عقیدت پیش کرتے ہوئے کہا ہے کہ بیگم نصرت بھٹو نے پاکستان میں جمہوریت کے لئے ان گنت قربانیاں دیں۔ ایک بیان میں شیری رحمان نے کہا کہ جمہوریت کے اس سفر میں نصرت بھٹو نے اپنے شوہر، نوجوان اولاد اور کارکنان کی لاشیں اٹھائیں۔ انہوں نے کہا کہ بیگم نصرت بھٹو نے آمریت کو للکارا۔ انہوں نے کہا کہ جمہوریت کی بحالی میں ان کا کردار مثالی ہے۔ انہوں نے کہا کہ بیگم نصرت بھٹو کو کارکنان نے ماں کا درجا دیا۔ انہوں نے کہا کہ بیگم نصرت بھٹو کا کردار اور جدوجہد ہم سب کے لئے مشعل راہ ہے۔ انہوں نے کہا کہ پیپلز پارٹی اور جمہوریت پسند لوگ ان کمی ہمیشہ محسوس کرے گی۔