اسلام ٹائمز۔ گلگت بلتستان میں کرونا وائرس کے مزید 3 کیسز سامنے آگئے جس کے بعد صوبے میں متاثرین کی مجموعی تعداد 192 ہو گئی ہے۔ وزیر اعلی جی بی حافظ حفیظ الرحمن کی جانب سے کورونا وائرس سے متعلق حکومتی اقدامات پر عملدرآمد اور موجودہ صورتحال کا جائزہ لینے کیلئے بنائی گئی سپیشل کمیٹی کےممبر و صوبائی وزیر اطلاعات شمس میر نے کورونا وائرس کے مریضوں کے مزید کیسزز سے متعلق میڈیا کو جاری اپنے ایک بیان میں کہا ہے کہ کورونا وائرس کے مزید 3 کیسز سامنے آگئے ہیں۔انہوں نے کہا کہ کل 33 سیمپلز لیے گئے تھے، ان میں سے 3 مریضوں کا رزلٹ مثبت آیا ہے اور 33 کا نیگیٹیو آیا ہے۔ ان 3 متاثرہ مریضوں میں سے ایک کا تعلق ضلع استور، دوسرے کا تعلق نگر اور تیسرے مریض کا تعلق گلگت سے ہے۔