وزارت کامرس نے متعلقہ اداروں کو اينٹی مليريا ادويات کی برآمد پر عائد پابندی اٹھانے کا مراسلہ جاری کر ديا

اسلام ٹائمز۔ وفاقی حکومت نے اینٹی ملیریا ادویات کی برآمد پر عائد پابندی ختم کر دی۔
وزارت کامرس کی جانب سے متعلقہ اداروں کو اينٹی مليريا ادويات کی برآمد پر عائد پابندی اٹھانے کا مراسلہ جاری کر ديا گيا ہے۔ اینٹی ملیریا ادویات کرونا وائرس کے مریضوں کی صحتیابی ميں مفید ثابت ہو رہی ہیں۔ حکومت نے تين اپريل کو اس کی برآمد پر پابندی عائد کی تھی۔ دوسری طرف پاکستان ڈرگ لا فورم کے صدر نے فوری طور پر يہ نوٹيفکيشن واپس لينے کا مطالبہ کيا ہے۔ نور محمد مہر کا کہنا ہے کہ ناقص حکمت عملی کی وجہ سے پہلے ہی ماسک کی برآمد سے ملک کو نقصان ہوا اور اب مليريا کی ادويات کی قلت ہوئی تو يہ مريضوں کے خلاف بہت بڑی سازش ہوگی۔