اسلام ٹائمز۔ سندھ حکومت نے شیخ رشید کو فی الحال ٹرین سروس نہ چلانے کا مشورہ دیتے ہوئے کہا ہے کہ یہ وقت ملک میں ٹرینیں چلانے کا نہیں بلکہ لوگوں کو کورونا سے بچانے کا وقت ہے۔ وزیر ٹرانسپورٹ اویس قادر شاہ نے مزید کہا کہ ٹرین سروسز بحال ہونے سے ریلوے اسٹیشنز پر ہجوم بڑھ جائے گا، جس سے کورونا کے کیسز بھی بڑھ سکتے ہیں، وفاقی حکومت پیسوں کی لالچ میں شہریوں کی زندگی سے نہ کھیلے، پہلے ہی وفاق کی لاپرواہی کی وجہ سے ملک میں کیسز میں اضافہ ہوتا جارہا ہے۔ اویس شاہ نے کہا کہ ریاست کا کام ہوتا ہے کہ وہ عوام کی حفاظت کرے ان کی زندگیوں سے نہ کھیلے۔