فرقہ وارانہ تناؤ کے پیچھے چند مقررین اور سوشل میڈیا کا کردار ہے، طاہر اشرفی

اسلام ٹائمز۔ وزیراعظم کے معاون خصوصی برائے مذہبی ہم آہنگی طاہر اشرفی نے کہا ہے کہ حالیہ فرقہ وارانہ تناؤ کے پیچھے چند مقررین کے ساتھ سوشل میڈیا کا کردار بھی ہے۔ نجی ٹی وی سے گفتگو کرتے ہوئے انہوں نے کہا کہ معلومات ہیں کہ ہندوستان محرم سے پہلے ملک کے اہم علماء کو نشانہ بنانا چاہتا تھا۔ طاہر اشرفی نے کہا کہ مولانا عادل خان سندھ کے بڑے مذہبی رہنماء تھے، ان کو سکیورٹی نہ دینا سمجھ سے باہر ہے۔ وزیراعظم کے معاون خصوصی برائے مذہبی ہم آہنگی طاہر اشرفی نے کہا کہ مولانا عادل خان کے قاتل جلد گرفتار ہوں گے۔ طاہر اشرفی نے میزبان عادل شاہ زیب کے استفسار پر کہا کہ یونین کونسل کی سطح پر مذہبی ہم آہنگی کونسل بنانے جا رہے ہیں۔