علامہ سید جواد نقوی کا سراج الحق سے والدہ کی وفات پر اظہار تعزیت

اسلام ٹائمز۔ تحریک بیداری اُمت مصطفیٰ علامہ سید جواد نقوی نے منصورہ لاہور میں امیر جماعت اسلامی سراج الحق سے ملاقات کی اور ان سے ان کی والدہ کی وفات پر اظہار تعزیت کیا۔ علامہ سید جواد نقوی نے مرحومہ کی بلندی درجات کیلئے فاتحہ خوانی کی۔ اس موقع پر مختلف دیگر مذہبی جماعتوں کے قائدین بھی موجود تھے۔ علامہ سید جواد نقوی کا کہنا تھا کہ ماں دنیا میں رب کا روپ ہوتی ہے، ماں کی وفات یقیناً بہت بڑا نقصان ہے۔ انہوں نے پسماندگان کیلئے صبر جمیل کی دعا بھی کی۔