جب جنرل سلیمانی نے حلب کی آزادی کا وعدہ دیا اور پھر اُسے وفا بھی کر دیا، انیس النقاش کی یادیں

اسلام ٹائمز۔ لبنانی میڈیا کارکن، تجزیہ نگار اور تزویراتی تحقیقات و مطالعات کے چینل "امان" کے رابطہ کار انیس النقاش نے شہید کمانڈرز کی پہلی برسی کے حوالے سے ٹوئٹر پر جاری ہونے والے اپنے ایک پیغام میں ایرانی سپاہ قدس کے سابق کمانڈر شہید جنرل قاسم سلیمانی کو خراج عقیدت پیش کیا ہے۔ انیس النقاش کا لکھنا ہے کہ شام میں شہید قاسم سلیمانی کی داستانیں اور ان کی بہادری کے واقعات بہت زیادہ ہیں جبکہ ان میں ایک جو بہت خوبصورت ہے، وہ حلب کے محاصرہ شدہ قلعے میں ان کے جانے سے متعلق ہے جہاں انہوں نے محاصرے میں گھرے قلعے کا دفاع کرنے والے مجاہدین سے بالمشافہ ملاقات کی۔ لبنانی تجزیہ نگار کا لکھنا ہے کہ اس دن انہوں نے صرف قلعے کی آزادی کا وعدہ نہیں دیا بلکہ پورے حلب کی آزادی کا وعدہ دیا اور پھر اُسے وفا بھی کر دیا!