اسلام ٹائمز۔ جمعیت علمائے پاکستان کے مرکزی صدر پیر اعجاز احمد ہاشمی عارضہ قلب میں مبتلا ہو گئے۔ انہیں دل کی تکلیف کے باعث نجی ہسپتال میں داخل کرایا گیا، جہاں ڈاکٹر سرور نے جے یو پی کے سربراہ کی انجیو گرافی کی۔ جس کے بعد انہیں دو سٹینٹ ڈالے گئے۔ پیر اعجاز ہاشمی انتہائی نگہداشت کے وارڈ میں زیر علاج ہیں۔ وہ ایک دو دن میں گھر منتقل ہو جائیں گے۔ پیر اعجاز ہاشمی کے فرزند بیرسٹر اویس رضا ہاشمی نے دوست احباب اور جے یو پی کے کارکنوں سے اپنے والد کی جلد صحت یابی کیلئے دعا کی اپیل کی ہے۔