مرتضیٰ وہاب ایڈمنسٹریٹر کی حیثیت سے شاندار کام کرنے کی صلاحیت رکھتے ہیں، ناصر شاہ

اسلام ٹائمز۔ وزیر اطلاعات سندھ سید ناصر حسین شاہ کا کہنا ہے کہ مرتضیٰ وہاب ایڈمنسٹریٹر بنتے ہیں تو انتہائی خوش آئند ہوگا، مرتضیٰ وہاب ایڈمنسٹریٹر کی حیثیت سے شاندار کام کرنے کی صلاحیت رکھتے ہیں۔ اپنے پیغام میں ناصر حسین شاہ نے کہا کہ مرتضی وہاب نوجوان ہیں، کراچی کے مسائل کا بھرپور ادراک رکھتے ہیں۔ ناصر شاہ نے کہا کہ کراچی کا بیٹا بھٹو کا جیالا کراچی کی ترقی میں بہترین کردار ادا کرے گا۔