محکمہ سکول ایجوکیشن میں 16 ہزار نئے اساتذہ بھرتی کرنے کی منظوری

اسلام ٹائمز۔ بے روزگار نوجوانوں کیلئے بڑی خوش خبری سامنے آئی ہے۔ وزیراعلیٰ نے 16 ہزار اساتذہ بھرتی کرنے کی منظوری دیدی ہے جبکہ گیارہ ہزار درجہ چہارم کے ملازمین بھی بھرتی کئے جائیں گے۔ تفصیلات کے مطابق وزیراعلیٰ پنجاب سردار عثمان بزدار نے محکمہ سکول ایجوکیشن کی سمری منظور کرتے ہوئے سولہ ہزار نئے اساتذہ بھرتی کرنے کی منظوری دیدی ہے۔ جبکہ درجہ چہارم کے گیارہ ہزار ملازمین بھی بھرتی کئے جائیں گے۔ سیکرٹری سکولز ایجوکیشن غلام فرید کا کہنا ہے کہ محکمہ سکولز ایجوکیشن ستر ہزار عربی ٹیچرز کی ٹریننگ کرا رہا ہے، جو سکولوں میں قرآن مجید کی تعلیم دیں گے، جبکہ عربی ٹیچراور قرآن ٹیوٹر کی نئی اسامیاں بھی پیدا کی جا رہی ہیں، جن پر دوسرے مرحلے میں بھرتی کی جائے گی۔