مقبوضہ علاقوں پر ڈرون حملوں کا آغاز

اسلام ٹائمز۔ مقبوضہ فلسطین کے مختلف علاقوں پر ڈرون حملوں کا آغاز ہو گیا۔ دمشق میں ایران کے سفارتی مرکز پر غاصب صیہونی حکومت کی جارحیت کے بعد منھ توڑ جواب کے طور پر مقبوضہ فلسطین میں صیہونی فوجی ٹھکانوں پر ڈرون حملے شروع ہو گئے ہیں۔ ان حملوں سے غاصب صیہونی حکومت حواس باختہ ہو گئی ہے اور پورے مقبوضہ فلسطین میں ہلچل مچ گئی ہے اور افرا تفری کا ماحول ہے۔ غاصب صیہونیوں پر خوف و ہراس طاری ہے اور صیہونی حکام کی نیندیں اڑ گئی ہیں۔ غاصب صیہونی حکومت کے ٹی وی چینل 12 نے ان حملوں کی تصدیق کی ہے۔