گلگت بلتستان اسمبلی کا اجلاس

اسلام ٹائمز۔ گلگت بلتستان اسمبلی کا 27 واں اجلاس سپیکر نزیر احمد ایڈووکیٹ کی صدارت میں شروع ہو چکا ہے۔ اجلاس کے پہلے دن سانحہ چلاس کے حوالے سے ایوان میں گرما گرمی ہوئی۔ اپوزیشن ارکان نے حکومت کو آڑے ہاتھوں لیا۔ دہشتگردی کے معاملے پر مزید غور اور لائحہ عمل تیار کرنے کیلئے آج دوسرے روز ایوان کا ان کیمرہ اجلاس بلا لیا گیا جو اس وقت جاری ہے۔ ان کیمرہ اجلاس میں قانون نافذ کرنے والے اداروں کی طرف سے ارکان اسمبلی کو دہشتگردی اور امن و امان کے حوالے سے بریفنگ دی جائے گی۔ یاد رہے کہ چلاس ہڈور کے مقام پر گزشتہ دنوں نامعلوم دہشتگردوں نے مسافر بس پر فائرنگ کرکے دس افراد کو شہید کر دیا تھا۔ سانحہ میں بیس کے قریب مسافر زخمی بھی ہوئے تھے۔