اسلام ٹائمز۔ جعفریہ اسٹوڈنٹس آرگنائزیشن ملتان ڈویژن کے زیراہتمام سالانہ ''قائدین شہدائے ملت جعفریہ'' سیمینار و ''استحکام پاکستان کانفرنس'' کا انعقاد جعفریہ بازار سورج میانی ملتان میں کیا گیا۔ سیمینار کی صدارت شیعہ علماء کونسل پاکستان کے سربراہ علامہ سید ساجد علی نقوی نے کی۔ سیمینار سے ایس یو سی پاکستان کے مرکزی رہنما علامہ سید محمد تقی نقوی، مرکزی رہنما پروفیسر خادم حسین لغاری، ایس یو سی پنجاب کے نائب صدر علامہ احسان علی اتحادی، شیعہ علماء کونسل کے رہنما علامہ سید ضمیر الحسن نقوی، ایس یو سی ملتان کے ڈویژنل صدر مولانا سید مجاہد عباس گردیزی اور دیگر نے خطاب کیا۔
