جے ایس او پاکستان کے مرکزی صدر راشد حسین نقوی کا دورہ ڈی جی خان، ڈویژنل صدر اور دیگر سے ملاقات

اسلام ٹائمز۔ جعفریہ اسٹوڈنٹس آرگنائزیشن پاکستان کے مرکزی صدر سید راشد حسین نقوی نے دورہ جنوبی پنجاب کے موقع پر ڈیرہ غازی خان ڈویژن کا دورہ کیا، مرکزی صدر نے مرکزی رکنِ نظارت جے ایس او پاکستان سید زاہد حسین زیدی اور ڈویژنل صدر ڈی جی خان محمد سلیمان سے ملاقات کی، دوران ملاقات مختلف تنظیمی امور پر سیر حاصل گفتگو ہوئی۔ اس موقع پر ڈویژنل مالیات سیکرٹری ڈی جی خان ڈویژن حسن جعفر بھی موجود تھے۔ مرکزی صدر نے کہا کہ موجودہ حالات میں ایک نوجوان کی ذمہ داریاں پہلے سے کہیں زیادہ ہیں، تعلیمی اداروں اور مقامی یونٹس میں تربیتی نظام مزید بہتر بنانے کی ضرورت ہے، تعلیمی اداروں میں ایک منظم سوچ کے تحت جوانوں کو اسلام سے دور کیا جا رہا ہے، تعلیمی اداروں میں اسلامی ماحول کی بجائے مغربی ماحول فراہم کیا جا رہا ہے۔