پی ڈبلیو ڈی کے 200ملازمین کے بین الاضلاعی تبادلے، ذرائع

 گلگت:اسلام ٹائمز۔ محکمہ پی ڈبلیو ڈی میں 200کے قریب سب انجینئرز، اسٹیمیٹرز اور کلریکل سٹاف کے تبادلوں کے احکامات جاری، عرصہ دراز کے بعد چیف سکریٹری سف اللہ چٹھہ کی ہدایات کے مطابق نچلی سطح کے تبادلوں کو محکمہ کیلئے خوش آئیند اور سکریٹری ورکس کی بہتر کارکردگی قرار دیا جارہا ہے۔ تبادلوں میں ہیڈ کوارٹرز کے علاوہ ساتوں ضلعی دفاتر کے ملازمین شامل ہیں۔ بتایا جاتارہا ہے کہ پی ڈبلیو ڈی میں اکثر ملازمین جس دن سے بھرتی ہوئے ہیں اس وقت سے بدستور اپنی جگوں پر برقرار ہیں حالانکہ سرکاری ملازمتوں میں دو یا تین برس بعد تبادلے ضروری تصور کئے جاتے ہیں۔