جنوبی پنجاب کے انتظامی افسران کے تبادلوں کے احکامات جاری کر دیئے گئے

ملتان:اسلام ٹائمز۔ جنوبی پنجاب میں 2 انتظامی افسران کے تبادلوں کے احکامات جاری کئے گئے ہیں جس کے مطابق ایگزیکٹو ڈسٹرکٹ آفیسر فنانس اینڈ پلاننگ بابر امان بابر کا تبادلہ بطور ایڈیشنل کمشنر کوارڈینیشن بہاولپور کر دیا گیا ہے جبکہ ایڈیشنل کمشنر کوارڈینیشن بہاولپور ڈاکٹر ناصر محمود بشیر کو ڈائریکٹر انٹی کرپشن ملتان تعینات کیا گیا ہے، بابر امان بابر رحیم یار خان میں پونے تین سال تک تعینات رہے ہیں، وہ کل یکم اکتوبر کو بہاولپور پہنچ کر اپنے عہدے کا چارج سنبھال کر کام شروع کر دیں گے، واضح رہے کہ ای ڈی او فنانس کے طور پر تعینات رہنے والے بابر امان بابر کو طویل عرصے تک تعیناتی کا اعزاز بھی ملا ہے، ذرائع کا کہنا ہے کہ جنوبی پنجاب میں مزید اعلٰی افسران کے تبادلے بھی متوقع ہیں۔