سویدہ:وینزویلا کے صدر ہوگوشاویز نے اسرائیل کو ایک استعماری ملک اور اسرائیلی حکومت کو ایک ''نسل کش''حکومت قرار دیا ہے اور اسرائیلی عوام سے کہا ہے کہ وہ اس کی حمایت نہ کریں۔ شام کے شہر سویدہ میں ایک اجتماع سے خطاب کرتے ہوئے صدر شاویز نے فلسطینیوں سے ناروا سلوک پر اسرائیل کی مذمت کی اور اسکی پالیسیوں کو کڑی نکتہ چینی کا نشانہ بناتے ہوئے اسے امریکی استعمار کا ایجنٹ قرار دیا ہے۔ صدر شاویز نے سویدہ میں ایک عوامی باغ کا افتتاح بھی کیا ۔جس کا نام لاطینی امریکا کے انیسویں صدی کے ایک حریت پسند رہنما سائمن بولیور کے نام پر رکھا گیا ۔صدر شاویز ان دنوں لیبیا،الجزائر،شام،ایران،بیلارس،روس اور سپین کے گیارہ روزہ دورے پر ہیں .جس کا مقصد امریکی اثر و رسوخ کو ختم کر کے دنیا میں کثیرالقطبی نظام قائم کرنا ہے۔