اسلام ٹائمز۔ شیعان حیدر کرار پنڈی بھٹیاں کے زیراہتمام استقبال محرم کے عنوان سے ایک مجلس عزاء سے خطاب کرتے ہوئے مجلس وحدت مسلمین کے ڈپٹی جنرل سیکرٹری علامہ امین شہیدی نے کہا ہے کہ آج عالم اسلام پر جو یہود و نصاریٰ کے بادل منڈلا رہے ہیں، امریکہ اور نیٹو ممالک تمام اسلامی ملکوں کو خوف زدہ کر رہے ہیں، ایسے عالم میں امت مسلمہ کو جرات کا درس کربلا سے لینا چاہیے، انہوں نے کہا کہ باطل قوتیں ظلم پر اکٹھی ہو سکتی ہیں، تو ہم اہل اسلام حق پر کیوں متحد نہیں ہو سکتے۔ اپنے خطاب کے دوران انہوں نے کہا کہ استحکام پاکستان کے لیے اتحاد بین المسلمین کی اشد ضرورت ہے اور نوجوانان قوم کا ضمیر جگانے کا وقت آ گیا ہے، مجلس عزاء کے تمام انتظامات امامیہ اسٹوڈنٹس آرگنائزیشن نے کئے جبکہ اسٹیج سیکرٹری کے فرائض زوار سر فراز حسین نے سر انجام دیئے۔