اسلام ٹائمز۔ انسداد دہشت گردی کی خصوصی عدالت نے آج جیل سماعت کے دوران قادنیوں کی عبادت گاہ پر حملہ کرنے والے مبینہ دہشت گرد معاویہ عرف معاذ اور عبداللہ پر فرد جرم عائد کر دی ہے۔ حفاظتی انتظامات کے باعث مذکورہ کیس کی سماعت جیل میں کی جا رہی ہے۔ استغاثہ کے مطابق تھانہ ماڈل ٹاؤن کے علاقہ میں واقع قادیانیوں کی عبادت گاہ پر 28 مئی 2010ء کو مبینہ دہشت گردوں نے حملہ کر کے بیسیوں افراد کو ہلاک جبکہ پچاس سے زائد کو زخمی کر دیا تھا جس پر قادیانی جماعت کے رضا کاروں نے موقع سے دونوں افراد معاویہ عرف معاذ اور عبداللہ کو اس وقت پکڑ کر پولیس کے حوالے کر دیا تھا جب وہ موقع واردات سے بھاگ رہے تھے۔ پولیس نے مبینہ دہشت گردوں کے خلاف انسداد دہشت گردی ایکٹ کے تحت مقدمہ درج کر کے چالان عدالت میں بھجوا دیا تھا۔