اسلام آباد ہائیکورٹ نے نئے سیکرٹری دفاع کی تعیناتی سے روک دی

اسلام ٹائمز۔ اسلام آباد ہائیکورٹ کے جسٹس عظیم خان آفریدی نے سابق سیکرٹری دفاع نعیم خالد لودھی کی جانب سے انہیں عہدے سے ہٹانے کے خلاف درخواست کی سماعت کی۔ ڈپٹی اٹارنی جنرل طارق محمود جہانگیری نے عدالت کو بتایا کہ وزیراعظم اور سیکرٹری اسٹیبلشمنٹ کی جانب سے جوابات داخل کرائے جا چکے ہیں تاہم دیگر فریقین کا جواب آنا باقی ہے، جس پر سماعت غیر معینہ مدت کیلئے ملتوی کردی گئی۔ نعیم خالد لودھی کی جانب سے ان کی برطرفی کا نوٹیفیکیشن معطل کرکے عبوری حکم کے ذریعے ریلیف دینے کی متفرق درخواست نمٹاتے ہوئے نرگس سیٹھی کو بطور سیکرٹری دفاع کام جاری رکھنے کی اجازت دے دی۔ عدالت نے قرار دیا کہ عدالتی فیصلہ آنے تک موجودہ سیٹ اپ کام جاری رکھے گا۔