خودکش حملوں کا ماسٹر مائنڈ قاری عظمت لاہور سے گرفتار

اسلام ٹائمز۔ لاہور پولیس نے خودکش حملوں کے ماسٹر مائنڈ قاری عظمت کو گرفتار کر لیا ہے۔ پولیس ذرائع کے مطابق قاری عظمت مون مارکیٹ، آر اے بازار، جامعہ نعیمیہ اور بابو سابو کے خودکش حملوں کا ماسٹر مائنڈ ہے۔ قاری عظمت ڈاکٹر ارشد کا قریبی ساتھی بتایا گیا ہے، قاری عظمت جہلم پیر چمبل سے حساس اداروں کے پانچ اہلکاروں کو بھی اغوا کرنے میں ملوث ہے۔ اسے نامعلوم مقام پر منتقل کرکے تفتیش کی جا رہی ہے۔