اسلام ٹائمز۔ ذرائع کے مطابق، مارک سیگل راولپنڈی کی انسداد دہشتگردی کی خصوصی عدالت میں بےنظیر بھٹوقتل کیس کے حوالے سے اہم بیان قلمبند کرائیں گے۔ انہیں بینظیر قتل کیس میں اہم گواہ قرار دیا گیا ہے، ایف آئی اے کو ریکارڈ کرائے گئے بیان میں مارگ سیگل نے بتایا تھا کہ پاکستان آنے سے قبل ملاقات کے دوران بےنظیر بھٹو کو ایک فون آیا تھا جس سے وہ پریشان ہوگئیں تھیں، مارک سیگل کے مطابق، ان کے استفسار پر بےنظیر بھٹو نے بتایا تھا کہ پرویز مشرف کا فون تھا جسمیں اس نے تنبیہ کی ہے کہ آپ ڈیل ہٹ رہی ہیں لہٰذا پاکستان آنے پر آپ کی جان کو لاحق خطرات کی حکومت ذمہ دار نہیں ہوگی۔ جس کے بعد بے نظیر بھٹو نے کہا تھا کہ اگر اب انھیں کچھ ہوا تو اس کی براہ راست ذمہ داری پرویز مشرف پر عائد ہوگی۔