پشاور میں دہشتگردی کا منصوبہ ناکام، بم ناکارہ بنا دیا گیا

اسلام ٹائمز۔ پشاور کے نواحی علاقہ متنی میں دہشتگردی کا ایک منصوبہ ناکام بنادیا گیا۔ پولیس کے مطابق تھانہ متنی کی حدود میں مریم زئی کے مقام پر سڑک کنارے بم نصب کیا گیا تھا۔ جس کی اطلاع ملتے ہی بم ڈسپوزل یونٹ کو طلب کیا گیا۔ بی ڈی ایس کے مطابق ریموٹ کنٹرول بم بارہ کلو گرام وزنی تھا۔ بم ناکارہ بنانے کے بعد علاقہ میں پولیس نے سرچ آپریشن کیا۔ تاہم کوئی گرفتاری عمل میں نہیں آسکی۔