عزادری میں رخنہ اندازی کی کوشش کی گئی تو دھرنا دیں گے، سید اعجاز نقوی

اسلام ٹائمز۔ جعفریہ یوتھ پاکستان تحصیل ٹیکسلا کے ناظم سید اعجاز نقوی نے کہا ہے کہ اگر پنجاب حکومت نے عزادری میں رخنہ اندازی کی کوشش کی تو جی ٹی روڈ پر دھرنا دیا جائے گا۔ ہم حکومت پنجاب کی جانب سے غیر رجسٹرڈ مجالس عزا اور جلوس پر پابندی کے فیصلے کی پرزور مذمت کرتے ہیں۔ ناظم جعفریہ یوتھ پاکستان تحصیل ٹیکسلا نے مزید کہا کہ اگر تحصیل ٹیکسلا میں کسی بھی جلوس و مجلس عزا کوروکنے کی کوشش کی گئی تو تمام جلوس جی ٹی روڈ پر دھرنا دیں گے۔