خضدار، بی این پی رہنماء کے قتل کے بعد بلدیاتی انتخابات کے ملتوی ہونیکا امکان

اسلام ٹائمز۔ بلوچستان کے علاقے خضدار میں گذشتہ روز قتل کئے جانے والے بلوچستان نیشنل پارٹی (مینگل) کے رہنماء گل محمد مینگل کے واقعے کے بعد شہر میں حالیہ منعقد ہونے والے انتخابات کے ملتوی ہونے امکان ظاہر کیا جا رہا ہے، کیونکہ مقتول بلدیاتی امیدوار تھے۔ ایک امیدوار کے قتل کے واقعے کے بعد مذکورہ وارڈ پر انتخابات کے ملتوی ہونے کے امکانات پیدا ہو گئے ہیں۔ اس سلسلے میں الیکشن کمیشن کا بھی موقف یا کوئی فیصلہ جلد متوقع ہے جبکہ بلدیاتی انتخابات کے حوالے سے بھی عوام میں اور امیدواروں میں بھی خوف و ہراس پایا جاتا ہے۔