اسلام آباد ہائیکورٹ نے سابق آئی جی موٹروے پولیس کی تنزلی کیخلاف درخواست مسترد کردی

اسلام ٹائمز۔ اسلام آباد ہائیکورٹ نے سابق آئی جی موٹروے پولیس ظفرعباس لک کی تنزلی کیخلاف درخواست مسترد کرتے ہوئے انہیں فیڈرل پبلک سروس کمیشن سے رجوع کرنے کی ہدایت کر دی۔ جسٹس نورالحق قریشی پر مشتمل اسلام آباد ہائیکورٹ کے سنگل بنچ نے ظفر عباس لک کی تنزلی کے خلاف درخواست پر فیصلہ سنایا۔ عدالت نے درخواست مسترد کرتے ہوئے قرار دیا کہ ظفر عباس لک تنزلی کے خلاف فیڈرل پبلک سروس کمیشن سے رجوع کریں۔ نواز شریف کی عام انتخابات میں کامیابی پر مبارکباد کا اشتہار دینے پر سابق آئی جی موٹر وے پولیس کی تنزلی کر دی گئی تھی۔