اسلام ٹائمز۔ علامہ ناصر عباس کے قتل کا مقدمہ لاہور کے تھانہ گارڈن ٹاوٴن میں درج کر لیا گیا ہے۔ پولیس کے مطابق مقدمہ علامہ ناصر عباس کے ڈرائیور منور عباس کی مدعیت میں درج کیا گیا ہے، جو 2 نامعلوم موٹر سائیکل سوار دہشت گردوں کیخلاف درج کیا گیا ہے۔ مقدمے میں دہشت گردی اور قتل کی دفعات شامل کی گئی ہیں۔ عزاداری کونسل کے نائب صدر علامہ ناصر عباس کو لاہور کے علاقے گارڈن ٹائون میں کینال روڈ پر گزشتہ شب اس وقت شہید کر دیا گیا جب وہ شادمان کے قومی مرکز میں مجلس عزا پڑھ کر واپس اپنے گھر جوہر ٹائون جا رہے تھے۔ علامہ ناصر عباس مسلم ٹائون انڈر پاس کے قریب پہنچے تھے کہ دو نامعلوم موٹر سائیکل سواروں نے فائرنگ کر دی، گولیاں ان کی گردن کندھے اور سر پر لگیں، ڈرائیور گاڑی بھگا کر ہسپتال لے گیا تاہم وہ جان بر نہ ہو سکے۔