بنوں، دہشتگردوں کا چیک پوسٹ پر حملہ، جوابی کارروائی میں 8 حملہ آور ہلاک

اسلام ٹائمز۔ بنوں کی چیک پوسٹ پر دہشت گردوں کا حملہ ناکام بنادیا گیا، سیکیورٹی فورسز کی جوابی کارروائی میں آٹھ دہشت گرد ہلاک ہو گئے۔ سیکیورٹی ذرائع کے مطابق حملہ صبح اُس وقت ہوا جب نامعلوم مسلح افراد نے بنوں کی خادم حسین چیک پوسٹ پر دھاوا بولا اور سکیورٹی فورسز اور مسلح افراد کے درمیان فائرنگ کا تبادلہ بھی ہوا، جس کے بعد جوابی کارروائی میں 8 دہشت گرد مارے گئے۔ واقعے کے بعد سکیورٹی فورسز نے جائے وقوعہ اور اردگرد کے علاقوں میں سرچ آپریشن شروع کردیا ہے۔