اسلام ٹائمز۔ الیکشن کمیشن نے کراچی میں قومی اسمبلی کے حلقہ این اے 245 اور سندھ اسمبلی کے حلقہ پی ایس 115 کے ضمنی الیکشن کیلئے 90 فیصد پولنگ اسٹیشنوں کو حساس قرار دے دیا ہے۔ امن و امان قائم رکھنے کیلئے پولنگ اسٹیشن کے اندر اور باہر پولیس و رینجرز کو تعینات کرنے کا فیصلہ کیا ہے۔ کراچی کے ضلع وسطی میں این اے 245 اور ضلع شرقی میں سندھ اسمبلی کی خالی نشست 115 پر ضمنی الیکشن 7 اپریل کو ہونگے۔ الیکشن کمیشن نے دونوں حلقوں کیلئے سیکیورٹی پلان کو حتمی شکل دے دی ہے، اور انتخابی ضابطہ اخلاق بھی جاری کر دیا ہے۔