اسلام ٹائمز۔ جمعیت علماء پاکستان کے سینئر نائب صدر صاحبزادہ قاری احمد میاں نے پھلروان میں تنظیمی دورہ کے موقع پر صحافیوں سے گفتگو کرتے ہوئے کہا کہ پاک افواج جغرفیائی سرحدوں کی حفاظت کی بھرپور صلاحیت رکھتی ہے۔ انکا کہنا تھا کہ اﷲتعالیٰ کا احسان ہے کہ پاکستانی فوج عسکری صلاحیتوں میں کسی سے کم نہیں ہے۔ انہوں نے کہا کہ اغیار نے میڈیا اور مغرب ذہنیت کے حکمرانوں کو استعمال کرکے ثقافتی اور نظریاتی یلغار شروع کر دی ہے، جس کی روک تھام کے لئے جنرل راحیل شریف کو مداخلت کرنی چاہئے تاکہ پاکستان اسلامی افکار کا نمونہ بنے۔