آزاد کشمیر میں کسی فتنہ کو سر نہیں اٹھانے دیا جائے گا، طاہر بکوٹی

اسلام ٹائمز۔ سجادہ نشین صاحبزادہ محمد طاہر بکوٹی نے قانون ساز اسمبلی میں ختم نبوت سے متعلق قرارداد کی منظوری اور آئین میں ترامیم کرنے کے فیصلہ پر وزیراعظم آزاد کشمیر اور قانون ساز اسمبلی کے ممبران کو مبارکباد دی ہے۔ انہوں نے کہا کہ قانون ساز اسمبلی نے ختم نبوت سے متعلق قرارداد منظور کر کے جہاں عاشق رسول ہونے کا ثبوت دیا ہے وہاں ہی اس پیغام کو عام کر دیا ہے کہ آزاد کشمیر میں کسی فتنہ کو سر نہیں اٹھانے دیا جائے گا۔ انہوں نے کہا کہ پاکستان اسلام کے نام پر حاصل کیا گیا ہے تاقیامت قائم رہے گا، اسلامی نظام کے نفاذ سے ہمارے مسائل حل ہوں گے۔