کراچی:
اسلام ٹائمز۔ جمعیت علمائے اسلام کے مرکزی رہنما حافظ حسین احمد نے کہا ہے کہ مولانا فضل الرحمن پر حملہ بلیک واٹر کے کارندوں نے کیا ہے۔ وہ جمعیت علمائے اسلام کیماڑی ٹاؤن کے زیراہتمام جزیرہ بابا بھٹ میں احتجاجی جلسے سے خطاب کر رہے تھے جو مولانا فضل الرحمن پر حملوں کی مذمت میں منعقد ہوا۔ جلسے سے کراچی ڈویژن کے امیر قاری محمد عثمان، قاضی فخرالحسن قاضی، امین الحق، مولانا محمد بلال نے بھی خطاب کیا۔ انہوں نے کہا کہ وزیر داخلہ فوری طور پر مستعفی ہوں ورنہ ان کو برطرف کیا جائے انہوں نے کہا کہ برطرف وفاقی وزیر داخلہ رحمن ملک کو کرنا چاہئے تھا لیکن برطرف صوبائی وزیر داخلہ ذوالفقار مرزا کو کیا گیا۔