اسلام ٹائمز۔ کوہاٹ پولیس نے لاکھوں روپے مالیت کی منشیات سمگل کرنے کی کوشش ناکام بناتے ہوئے 2 خواتین سمیت 3 ملزمان کو گرفتار کرلیا۔ تھانہ لاچی پولیس کے مطابق کوہاٹ انڈس ہائی وے پر آج صبح پشاور سے کراچی جانے والی مسافر کوچ کی تلاشی کے دوران 3 مسافروں سے مجموعی طور پر 5 کلو 500 گرام ہیروئن، 5 کلو 500 گرام چرس اور ڈیڑھ کلو افیون برآمد کرکے انہیں گرفتار کرلیا۔ پولیس کا کہنا ہے کہ گرفتار ملزمان میں بہن بھائی اور ان کی ایک رشتہ دار خاتون شامل ہے جن کے خلاف مقدمہ درج کرکے مزید تفتیش شروع کردی گئی ہے۔