اسلام ٹائمز۔ امیر جماعت اسلامی پاکستان سینیٹر سراج الحق نے جنوبی پنجاب کے امیر کے استصواب کے لئے ضلعی امیرڈیرہ غازی و رکن صوبائی مجلس شوری پروفیسر عطا محمد جعفری کو ناظم استصواب مقرر کیا ہے، جو 12 اکتوبر تک نئے امیر کا انتخاب مکمل کروائیں گے۔ ارکان صوبائی مجلس شوری نے خفیہ رائے دہی کے ذریعے ارکان جماعت کی رہنمائی کیلئے تین ناموں کا انتخاب کیا ہے، جن میں ڈاکٹر سید وسیم اختر، شیخ عثمان فاروق، چودھری عزیر لطیف کے نام شامل ہیں۔ نومنتخب امیر کا اعلان 25 اکتوبر کو کیا جائے گا اور یکم نومبر 2018ء کو اپنی ذمہ داریاں سنبھالیں گے۔ امیر کا انتخاب یکم نومبر 2018ء سے31 اکتوبر 2021ء تین سال کیلئے ہوگا۔