حکمت سے عاری لوگوں کو حکومت سونپ دینا قوم کیساتھ گھناؤنا مذاق ہے، مشیر اطلاعات سندھ

اسلام ٹائمز۔ سندھ کے مشیر اطلاعات، قانون و اینٹی کرپشن بیرسٹر مرتضیٰ وہاب نے کہا ہے کہ تحریک انصاف کی باتیں کروڑوں کی اور دکان پکوڑوں کی ہے۔ اپنے بیان میں مرتضیٰ وہاب کا کہنا تھا کہ عوام سمجھ چکے ہیں کہ پی ٹی آئی کی باتیں کروڑوں کی اور دکان پکوڑوں کی ہے، عمران خان آصف زرداری کے خلاف بیان دینے والے اپنے منشیوں کی زبان کو لگام دیں، حکمت سے عاری لوگوں کو حکومت سونپ دینا قوم کے ساتھ گھناؤنا مذاق ہے۔ انہوں نے کہا کہ ہم سے 30 سالوں کا حساب مانگنے والے اپنے 100 دنوں کا حساب نہیں دے پا رہے، 100 روزہ حکومتی کارکردگی بدترین مہنگائی، گیس، سی این جی کی بندش کی صورت عوام پر مسلط کر دی گئی۔