اسلام ٹائمز۔ وزیراعلیٰ سندھ سید مراد علی شاہ نے کہا ہے کہ بارش رکتے ہی پانی نکالنے کا کام شروع ہو جائے گا، کراچی میں بارش کا سلسلہ رات دس بجے تک جاری رہے گا۔ وزیراعلیٰ سندھ نے ٹھٹھہ میں میڈیا سے گفتگو میں کہا کہ حیدرآباد، میرپورخاص، ٹھٹھہ اور بدین کلیئر ہو جائیں گے۔ انہوں نے واضح کیا کہ متاثرہ لوگوں کی بحالی کیلئے اقدامات کئے جا رہے ہیں۔ وزیراعلیٰ سندھ نے عوام سے کہا ہے کہ وہ لوکل باڈیز، واٹر بورڈ اور ضلع انتظامیہ کے ساتھ ہرممکن تعاون کریں۔