پشاور میں گھریلو تنازع پر بھائیوں اور خاتون سمیت 4 افراد قتل

اسلام ٹائمز۔ پشاور کے علاقے ریگی میں گھریلو تنازع پر 2 بھائیوں اور خاتون سمیت 4 افراد کو قتل کر دیا گیا۔ پولیس کے مطابق تھانہ ریگی کی حدود ملازئی میں دو فریقین کے مابین تنازع چلا آ رہا تھا جس کے حل کیلئے 2 بھائی اپنے کزن کے ہمراہ گئے تھے کہ مخالفین نے ان پر فائرنگ کر دی۔ پولیس حکام کا بتانا ہے کہ فائرنگ سے جاں بحق ہونے والوں میں 2 بھائی اور ایک خاتون بھی شامل ہے، جبکہ ملزمان فرار ہونے میں کامیاب ہوگئے۔