اسلام ٹائمز۔ پنجاب فوڈ اتھارٹی نے راولپنڈی میں کارروائیاں کرتے ہوئے غیر ملکی زائد المعیاد انرجی ڈرنکس، گٹکا اور چیونگم برآمد کرلیں۔ پنجاب فوڈ اتھارٹی نے ہول سیل ڈسٹری بیوٹر کے گودام پر چھاپہ مارا اور ممنوعہ انرجی ڈرنکس کے پانچ ہزار دو سو بتیس کین اور گٹکے کے پچاس ہزار پیکٹس برآمد کرلئے۔ زائد المیعاد چیونگم کے آٹھ سو چونسٹھ پیکٹس اور جعلی لیبلنگ کا سامان اور مشینری بھی ضبط کی گئی۔ زائد المیعاد انرجی ڈرنکس اور چیونگم پر تاریخ تبدیل کر کے جعلی لیبلنگ بھی کی جاتی تھی۔