اسلام ٹائمز۔ سکردو سے تعلق رکھنے والے دو لاپتہ نوجوانوں کا 10 روز بعد بھی سراغ نہ مل سکا، حکومت اور انتظامیہ کی پراسرار خاموشی نے کئی سوالات کو جنم دیا ہے۔ دوسری جانب لواحقین کے کرب میں روز بروز اضافہ ہوتا جا رہا ہے۔ انتظامیہ کی عدم دلچسپی پر کچورا کے عوام نے احتجاج کی تیاریاں شروع کر دیں، علاقہ کے نوجوان سراپا احتجاج بنے ہوئے ہیں۔ کچورا سٹوڈنٹس ویلفیئر آرگنائزیشن کا کہنا ہے کہ انتظامیہ مدد کرنے کی بجائے کنفیوژن پیدا کر رہی ہے۔