ہائیکورٹ کے حکم پر ایف آئی اے نے بی آر ٹی منصوبے کی تحقیقات کا آغاز کردیا

اسلام ٹائمز۔ وفاقی تحقیقاتی ادارے ایف آئی اے نے پشاور ہائی کورٹ کے احکامات کی روشنی میں بی آر ٹی منصوبے کی تحقیقات کا آغاز کردیا۔ ذرائع ایف آئی اے کے مطابق پشاور ہائی کورٹ کے احکامات کی روشنی میں بی آر ٹی منصوبے کی تحقیقات کا آغاز کردیا گیا ہے، تحقیقات کے لیے خصوصی ٹیم تشکیل دی گئی ہے جس کی سربراہی ایڈیشنل ڈائریکٹر کریں گے، اس سکے علاوہ منصوبے میں تحقیقات کی خاطر بہت جلد تکنیکی ماہرین کی خدمات حاصل کی جائیں گی۔  واضح رہے کہ پشاور ہائی کورٹ نے وفاقی تحقیقاتی ادارے کو 45 دن کے اندر بی آر ٹی منصوبے کی تحقیقات کا حکم دیا تھا۔