اٹلی میں ڈرائیور نے جرمن سیاحوں پر گاڑی چڑھا دی، 6 ہلاک

اطالوی میڈیا کی رپورٹس کے مطابق جرمن سیاحوں کا گروپ موسم سرما کی تعطیلات پر اسکیٹنگ کے لیے اٹلی آیا ہوا تھا۔ تمام سیاح ایک بس سے اتر کر ہوٹل جا رہے تھے تو اسی دوران ان کے ساتھ یہ حادثہ پیش آیا۔ پولیس کے مطابق انہوں نے قریبی گاؤں چیئنس سے 28 سالہ مشتبہ شخص کو گرفتار کر لیا ہے اور ان سے تحقیقات کی جا رہی ہے۔ مقامی میڈیا کے مطابق واقعے کے وقت زیرحراست مشتبہ شخص نشے میں تھا۔ اطالوی میڈیا کی خبروں میں بتایا گیا کہ خون کے نمونو کے ٹیسٹ سے ظاہر ہوتا ہے کہ اس کے خون میں شراب کی مقدار قانونی حد سے 4 گنا زیادہ تھی۔ اٹلی کے صوبے الٹو اڈیج کے گورنر آرنو کومپاتسکر نے متاثرین اور ان کے اہل خانہ سے اظہار تعزیت کیا۔ رپورٹ کے مطابق واقعہ پیش آنے کے بعد قریبی ہوٹل کے عملے نے زخمیوں کو ابتدائی طبی امداد دی اور ایمرجنسی سروسز کو بلایا۔