اسلام ٹائمز۔ شیعہ علماء کونسل کے مرکزی سیکرٹری جنرل اور رکن اسلامی نظریاتی کونسل علامہ عارف حسین واحدی سے امامیہ اسٹوڈنٹس آرگنائزیشن پاکستان راولپنڈی ڈویژن کے ڈپٹی جنرل سیکرٹری معمر نقوی نے وفد کے ہمراہ ملاقات کی۔ آئی ایس او کے مسئولین نے شیعہ علماء کونسل کے مرکزی رہنماء کیساتھ باہمی دلچسپی کے امور پر تبادلہ خیال کیا۔ واضح رہے کہ موجودہ حالات کے تناظر میں اہل تشیع تنظیموں کے ذمہ داران کی باہمی ملاقاتوں کو بہت زیادہ اہمیت دی جا رہی ہے۔