اسلام ٹائمز۔ وفاقی وزیر اطلاعات فواد چوہدری کا کہنا ہے کہ مسلم لیگ نون کے صدر شہباز شریف کا نام ایگزٹ کنٹرول لسٹ (ای سی ایل) پر ڈال دیا گیا ہے۔ سماجی رابطے کی ویب سائٹ ٹوئٹر پر اپنے بیان میں وفاقی وزیر اطلاعات فواد چوہدری نے بتایا کہ کابینہ کی منظوری اور قانونی ضابطے مکمل ہونے پر شہباز شریف کا نام ای سی ایل میں ڈالا گیا ہے۔ انہوں نے کہا کہ شہباز شریف کا نام ای سی ایل میں ڈالنےسےمتعلق ریکارڈ اپ ڈیٹ کر دیا گیا ہے۔