اسلام ٹائمز۔ محکمہ صحت کی جانب سے جاری شدہ اعلامیے کے مطابق حکومت بلوچستان نے 9 میڈیکل افسروں کو نوکری سے برخاست کر دیا ہے، جن میں لیڈی ڈاکٹرز بھی شامل ہیں۔ تفصیلات کے مطابق ڈیوٹی سے غیر حاضری کی بنیاد پر مبینہ میڈیکل افسروں اور لیڈی میڈیکل افسروں کو نوکری سے فارغ کر دیا گیا ہے۔ ترجمان حکومت بلوچستان لیاقت شاہوانی کے مطابق موجودہ حکومت کیجانب سے غیر حاضری کے خلاف اقدامات اٹھاتے ہوئے سو سے زائد میڈیکل آفیسرز کو نوکریوں سے فارغ کیا جا چکا ہے۔