پناہ گاہوں کا مقصد غریب طبقے کے وقار کو مجروح ہونے سے بچانا ہے، ثانیہ نشتر

اسلام ٹائمز۔ وزیراعظم عمران خان نے ہدایت کی ہے کہ پناہ گاہوں کا سیاست سے کوئی تعلق نہیں۔ مثالی پناہ گاہوں کا قیام جلد عمل میں لایا جائے۔ اسلام آباد میں معاون خصوصی ڈاکٹر ثانیہ نشتر سے گفتگو کرتے ہوئے انہوں نے کہا کہ پناہ گاہوں کا مقصد غریب طبقے کے وقار کو مجروح ہونے سے بچانا ہے۔ جن پناہ گاہوں پر لوگوں کا رش ہے، ان پر خصوصی توجہ دی جائے۔ معاون خصوصی نے وزیراعظم کو پناگاہوں کی صورتحال اور بہتری کیلئے اقدامات پر بریفنگ دی۔ وزیراعظم کو بتایا گیا کہ موجودہ پناہ گاہوں میں سہولتوں میں بہتری لائی جائے گی اور عملے کو تربیت دی جائے گی۔ بریفنگ میں بتایا گیا کہ سہولتوں کے حوالے سے ڈیجیٹل ڈیش بورڈ بنایا جائے گا، جو نگرانی میں مدد کرے گا۔