کوئٹہ سے کراچی جانے والے 39 افغان مہاجرین قومی شاہراہ پر گرفتار

اسلام ٹائمز۔ ایس ایچ او ہالانی پولیس تھانہ عبدالریشد چانھیو کے مطابق کوئٹہ کراچی قومی شاہراہ پر رسول آباد ایکسائز پولیس چوکی کے قریب ایک ٹرک پر افغان شہریوں کو سوار کرکے انہیں کوئٹہ سے کراچی لے جانے کی کوشش کی جارہی تھی، جسے پولیس نے پکڑ کر ناکام بناتے ہوئے افغان شہریوں کو گرفتار کر لیا ہے۔ پولیس کے مطابق گرفتار شدہ 39 افغان شہریوں کے خلاف فارن ایکٹ 14 کے تحت مقدمہ درج کردیا گیا ہے۔ ذرائع کے مطابق گرفتار افغان باشندوں میں 12 مرد، 9 خواتین اور 18 بچے شامل ہیں۔