اسلام ٹائمز۔ جماعت اسلامی کے صوبائی جنرل سیکرٹری اور گوادر کو حق دو تحریک کے رہنماء مولانا ہدایت رحمن کی سربراہی میں آج گوادر دھرنے کے احتجاجی مظاہرین کی جانب سے کفن پوش ریلی نکالی گئی۔ ریلی کے شرکاء میں مرد اور خواتین موجود تھیں، جنہوں نے کفن پہن کر اپنا احتجاج ریکارڈ کروایا۔ مطاہرین دھرنا کے مقام سے منی پورٹ تک ریلی کی شکل میں گئے اور وہاں سے دوبارہ دھرنے کے مقام تک آئیں۔ اس دوران احتجاجی مظاہرین نے انتظامیہ اور حکومت کے خلاف نعرے بازی بھی کی۔