اسلام ٹائمز۔ مجلس وحدت مسلمین ضلع فیصل آباد تحصیل جڑانوالہ میں ڈپٹی سیکرٹری یوتھ عرفان حسینی کی زیر صدارت اجلاس منعقد ہوا، جس میں تحصیل جڑانوالہ کے سیکرٹری جنرل ڈاکٹر ظفر عباسی، ضلع فیصل آباد کے سیکرٹری یوتھ ڈاکٹر عبدالروف سمیت تحصیل جڑانوالہ کے عہدیداران نے شرکت کی۔ اجلاس کے دوران 5 دسمبر بروز اتوار کو منعقد ہونے والے یوتھ کے پروگرام کی تیاری کے حوالے سے اہم فیصلے کیے گئے اور انتظامات کا جائزہ لیا گیا۔