بنوں میں دھماکا، ایک شخص جاں بحق، 2 زخمی

اسلام ٹائمز۔ بنوں کی تحصیل میر علی میں دھماکے سے ایک شخص جاں بحق اور 2 زخمی ہوگئے۔ پولیس کے مطابق بنوں کی تحصیل میرعلی کے علاقے ممہ خیل میں بارودی مواد کے دھماکے میں ایک شخص جاں بحق اور 2 زخمی ہوگئے۔ ذرائع کے مطابق بارودی مواد ٹیوب ویل کے ساتھ نصب کیا گیا تھا، دھماکے کے زخمیوں کوبنوں اسپتال منتقل کردیا گیا ہے۔ مزید تحقیقات جاری ہیں۔ زخمیوں کو فوری طور پر ہسپتال منتقل کردیا گیا، جبکہ دھماکے کے حوالے سے پولیس نے تحقیقات کا آغاز کردیا ہے۔