0
Saturday 21 May 2022 21:44

یمنی فورسز نے ترکی ساختہ ڈرون مار گرایا

یمنی فورسز نے ترکی ساختہ ڈرون مار گرایا
اسلام ٹائمز۔ یمن کی مسلح فورسز نے آج زمین سے ہوا تک مار کرنے والے میزائل سے سعودی عرب کا ترکی ساختہ ڈرون، صوبہ ''حجہ'' میں مار گرایا ہے۔ فارس نیوز کے بین الاقوامی ڈیسک کے مطابق، یمن کی مسلح افواج کے ترجمان ''یحییٰ سریع'' نے یمن کے صوبہ ''حجہ'' کے علاقے ''جیران'' میں جارح سعودی اتحاد کے ڈرون کو گرانے کی خبر دی ہے۔ انہوں نے اپنے ٹویٹر اکاونٹ پر اس ڈرون کی تفصیلات شائع کرتے ہوئے لکھا کہ یہ ''کاریال'' کی قسم کا ترکی ساختہ ڈرون ہے، جو جنگ بندی کے معاہدے کی خلاف ورزی کرتے ہوئے دشمن کی طرف سے ہمارے علاقوں کی اطلاعات حاصل کرنے پر مامور تھا، جسے زمین سے ہوا تک مار کرنے والے میزائل سے گرا دیا گیا ہے۔ ''سریع'' نے اس بات پر زور دیا کہ یمن کی مسلح افواج کسی قسم کی بھی جارحیت کا جواب دینے کے لئے تیار ہیں۔ انہوں نے اس بات کی طرف بھی اشارہ کیا کہ جارح سعودی اتحاد کی جانب سے اس طرح کے اقدامات، جنگ بندی کے معاہدوں میں ان کی عدم دلچسپی کو ظاہر کرتے ہیں۔
خبر کا کوڈ : 995415
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش